Gayatri Suprabhatam

śrī pātūri sītārāmāṁjanēyulu kr̥‍ta
śrī gāyatrī suprabhāta stōtraṁ
|| śrīrastu||

English with phonetic Transliteration

For Telugu - తెలుగు లో 
 

This is the first ever Suprabhatam composed for the goddess Gayatri Devi.

This is the  most well known among the Gayatri Suprabhatams around the world. This, among all his numerous works, is the one that earned its author Sri Paturi Sitaramanjaneyulu global acclaim. Other Suprabhatams and stotrams of Gayatri and Suprabhatams and stotrams of  most of the other gods and goddesses are full of descriptions of the anthropomorphic images and mythical narratives of the gods and goddesses. This Suprabhatam is among the rarest of the stotrams that are predominantly conceptual . Descriptions of dawn in other Suprabhatams function as only the background for the main theme. The same in this Suprabhatam form the main theme itself because dawn is one of the forms of Gayatri. 

 

śrī jāni radritanayāpati rabjagarbhaḥ
sarvē ca daivatagaṇāḥ samaharṣayōmī |
ētē ca bhūtanicayāḥ samudīrayanti
gāyatri  lōkavinutē tava suprabhātam || 1||

 

puṣpōccaya pravilasa tkarakaṁjayugmām
gangādi divya taṭinī varatīradēśē
ṣvarghyam samarpayitumatrajanāstavaitē
gāyatri lōkavinutē  tava suprabhātam || 2||

 

karṇēmr̥‍tam vikiratā svarasaṁcayēna
sarvē dvijāḥ śrutigaṇam samudīrayanti |
paśyāśramāsatha vr̥‍kṣatalēṣu dēvi
gāyatri lōkavinutē tava suprabhātam ||3||

 

gāvō maharṣinicayāśrama bhūmibhāgāt
gantum vanāya śanakaiḥ śanakaiḥ prayānti |
vatsān payōmr̥‍tarasam nanu pāyayitvā
gāyatri  lōkavinutē  tava suprabhātam || 4||

 

śiṣya prabōdhanaparā vara mauni mukhyāḥ
vyākhyānti vēdagaditam sphuṭa dharma tattvam |
svīyāśramāṁgaṇa talēṣu manōharēṣu
gāyatri  lōkavinutē  tava suprabhātam || 5||

 

śrōtrāmr̥‍tam śrutiravam kalayanta ētē
vismr̥‍tya gantumaṭavīm phalalābhalōbhāt |
vr̥kṣāgra bhūmiṣu vanēṣu lasanti kīrāḥ
gāyatri  lōkavinutē  tava suprabhātam || 6||

 

mūrtitrayātmakalitē nigama trayēṇa
vēdyē svaratraya parisphuṭa mantrarūpē
tattva prabōdhanapa rōpaniṣa tprapaṁcē
gāyatri  lōkavinutē  tava suprabhātam || 7||

 

viśvātmikē nigamaśīrṣavataṁsarūpē
sarvāga mānta ruditē vara taijasātman |
prājñātmikē sr̥jana pōṣaṇa  saṁhr̥tisthē
gāyatri  lōkavinutē  tava suprabhātam || 8||

 

turyātmikē sakalatattvagaṇānatītē
ānanda bhōga kalitē paramārthadātri
brahmānubhūtivaradē satatam  janānām |
gāyatri  lōkavinutē  tava suprabhātam || 9||

 

tārasvarēṇa madhuram parigīyamānē
mandrasvarēṇa madhurēṇa ca madhyamēna |
gānātmikē nikhilalōka manōjña bhāvē
gāyatri  lōkavinutē  tava suprabhātam || 10||

 

pāpāṭavī dahana jāgr̥ta mānasā tvam 
bhaktaugha pālana nirantara dīkṣitāasi
tvayyēva viśvamakhilam sthiratāmupaiti
gāyatri  lōkavinutē  tava suprabhātam || 11||

 

yā vaidikī nikhila pāvana pāvanī vāk
yā laukikī vyavahr̥ti pravaṇā janānām |
yā kāvyarūpa kalitā tava rūpa mētāḥ
gāyatri  lōkavinutē  tava suprabhātam || 12||

 

divyam  vimāna madhiruhya nabhōṁgaṇētra
gāyanti divya mahimāna mimē bhavatyāḥ |
paśya prasīda nicayā divi jāṁganānām 
gāyatri  lōkavinutē  tava suprabhātam || 13||

 

haimīm rucam  sakala bhūmiruhāgradēśē
ṣvādhāya tatkr̥‍ta parōpakr̥‍tau prasannaḥ |
bhānuḥ karōtyavasarē kanakābhiṣēkam 
gāyatri  lōkavinutē  tava suprabhātam || 14||

 

divyāpagāsu sarasīṣu vanī nikuṁjē
ṣvuccāvacāni kusumāni manōharāṇi |
phullāni santi paritastava pūjanāya
gāyatri  lōkavinutē  tava suprabhātam || 15||

 

kurvanti pakṣinicayāḥ kalagānamētē
vr̥‍kṣāgra munnatata rāsana māśrayantaḥ
dēvi  tvadīya mahimānamudīrayantō
gāyatri  lōkavinutē  tava suprabhātam || 16||

 

viśvēśi  viṣṇubhagini  śrutivāksvarūpē 
tanmātrikē  nikhilamantamayasvarūpē 
gānātmikē  nikhilatattvanijasvarūpē 
gāyatri  lōkavinutē  tava suprabhātam || 17||

 

tējōmayi  tribhuvanāvanasaktacittē 
sandhyātmikē  sakala kāla kalā svarūpē 
mr̥‍tyunjayē  jayini  nityanirantarātman 
gāyatri  lōkavinutē  tava suprabhātam || 18||

 

tvāmēva dēvi  paritō nikhilāni tantrā
ṇyābhāti tattvamakhilam bhavatīm vivr̥‍ṇvat |
tvam  sarvadāsi taruṇāruṇadivyadēhē
gāyatri  lōkavinutē  tava suprabhātam || 19||

 

nityāsi dēvi  bhavatī nikhilē prapancē
vandyāsi sarva bhuvanaiḥ satatōdyatāsi |
dhī prērikāsi bhuvanasya carācarasya
gāyatri  lōkavinutē  tava suprabhātam || 20||

 

vandāmahē bhagavatīm bhavatīm  bhavābdhi
santāriṇīm trikaraṇaiḥ karuṇāmr̥‍tābdē
sampaśya cinmayatanō  karuṇārdra dr̥‍ṣṭyā
gāyatri  lōkavinutē  tava suprabhātam || 21||

 

tvam mātr̥‍kāmayatanuḥ parama prabhāvā
tvayyēva dēvi  paramaḥ puruṣaḥ purāṇaḥ
tvattaḥ samasta bhuvanāni samullasanti
gāyatri  lōkavinutē  tava suprabhātam || 22||

 

tvam vai  prasū rnikhiladēvagaṇasya dēvi
tvam stūyasē triṣavaṇam nikhilaiśca lōkaiḥ |
tvam dēśa kāla paramārtha parisphuṭāsi
gāyatri  lōkavinutē  tava suprabhātam || 23||

 

tvam gādhisūnu paramarṣi varēṇa dr̥ṣṭā
tējōmayī savitu rātmama yākhilārthā |
sarvārthadā praṇata bhakta janasya śaśvat
gāyatri  lōkavinutē  tava suprabhātam || 24||

 

sankalpya lōkamakhilam manasaiva sūṣē
kāruṇyabhāva kalitā avasi lōkamātā |
kōpānvitā tamakhilam kuruṣē pralīnam
gāyatri  lōkavinutē  tava suprabhātam || 25||

 

muktābha vidruma suvarṇa mahēndra nīla
śvētaprabhair bhuvana rakṣaṇa baddha dīkṣaiḥ |
vaktrairyutē  nigama māta rudārasattvē
gāyatri  lōkavinutē  tava suprabhātam || 26||

 

kāruṇya vīci nicayāmala kānti kāntām
brahmādi sarva divijēḍhya mahāprabhāvām |
prītyā prasāraya dr̥‍śam mayi lōkamātaḥ
gāyatri  lōkavinutē  tava suprabhātam || 27||

 

śrī lakṣmaṇādi guru satkaruṇaikalabdha
vidyā vinīta matiyānaya māṁjanēyaḥ |
saṁsēvatētrabhavatīm bhuvatīm vacōbhiḥ
gāyatri  lōkavinutē  tava suprabhātam || 28||

 

iti sītārāmāṁjanēya kavi kr̥ta gāyatrī suprabhātam  ||